“சென்னையில எங்கே குற்றம் நடந்தாலும் வியாசர்பாடியிலயோ கண்ணகி நகர்லயோதான் போலீஸ் வண்டி வந்து நிக்குது. எங்க தோற்றமும் மொழியும் எங்க வீடுமே எங்களைக் குற்றவாளி மாதிரி அவங்களுக்குக் காட்டுது. வியாசர்பாடின்னா ரவுடியிசம்.. குற்றப் பின்னணி... வியாசர்பாடி ஹவுசிங் போர்டுக்குள்ள வந்து பாருங்க... கேரம்ல, வாலிபால்ல, அத்லெடிக்ஸ்ல இண்டர்நேஷனல் பிளேயர்ஸ் இருக்காங்க... அதைப் பத்தியெல்லாம் யாரும் பேசுறதேயில்லை...” - சுனிலும் நந்தாவும் ரொம்பவே துடிப்பாகப் பேசுகிறார்கள்.<br /><br />இருவருக்கும் வயது 19 தான். ஆனால் எழுப்புகிற கேள்விகளில் கூர்மையான அரசியல் இருக்கிறது. ‘வா ப்ரோ இன்னா ப்ரோ’ (va_bro_inna_bro) என்ற ராப் இசைக் குழுவை நடத்துகிறார்கள் இருவரும். சமூக ஊடகங்களில் பெரும் அறிமுகம் இவர்களுக்கு.<br /><br />வியாசர்பாடி, சத்தியமூர்த்தி நகர் ஹவுசிங் போர்டு 53-வது பிளாக்கின் மாடிதான் இவர்களது ஸ்டூடியோ. உடைந்த நாற்காலியொன்றைத் தட்டித்தட்டி டியூன் போடுகிறார்கள். பால்வாடிப் பருவம் தொட்டு இறுகிய நட்பு.<br /><br /> விரிவாகப் படிக்க: https://cinema.vikatan.com/music/vyasarpadi-va-bro-inna-bro-rap-music-group
